Кадрлық қамтамасыз ету
Аурухана қызметкерлерінің саны- 225 адам, оның ішінде дәрігерлер -42, ЖМК – 86, кіші медперсонал – 68, өзге де персонал-29
Бос жұмыс орындары: дәрігер-реаниматолог – 1, дәрігер-педиатр-1.
Денсаулық сақтау саласындағы мамандықтар мен мамандандырулар номенклатурасын, денсаулық сақтау қызметкерлері лауазымдарының номенклатурасы мен біліктілік сипаттамаларын бекіту туралы Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-305/2020 бұйрығы. Қазақстан Республикасының Әділет министрлігінде 2020 жылғы 22 желтоқсанда № 21856 болып тіркелді.Параграф 2. Дәрігер (маман бейінді) * ескерту. 2-параграфтың тақырыбы жаңа редакцияда – ҚР Денсаулық сақтау министрінің 2021.03.16 № ҚР ДСМ-23 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен. Лауазымдық міндеттері: Жедел, алғашқы медициналық-санитарлық, мамандандырылған медициналық көмек көрсетеді.
Лауазымдық міндеттері:
Жедел, алғашқы медициналық-санитарлық, мамандандырылған медициналық көмек көрсетеді. Науқасты жүргізу тактикасын, оны тексеру жоспарын анықтайды. Өзіне сеніп тапсырылған материалдық-техникалық, дәрілік ресурстарға, сондай-ақ олардың сақталуы мен нысаналы пайдаланылуына, дәрілік заттардың ұтымды тағайындалуы бойынша, сыбайлас жемқорлыққа қарсы заңнаманың сақталуына және өз тарапынан және оған бағынысты адамдардан сыбайлас жемқорлық көріністеріне жол бермеу жөнінде шаралар қабылдауға дербес жауапты болады. Клиникалық бақылаулар мен тексеру, анамнез жинау, Клиникалық-зертханалық және аспаптық зерттеулердің деректері негізінде диагнозды белгілейді (растайды). Емдеуді тағайындайды және бақылайды, қажетті диагностикалық, емдік, оңалту және профилактикалық процедуралар мен іс-шараларды ұйымдастырады немесе дербес жүргізеді.
Емделушіге емдеу әдістері мен тәсілдерін, сондай-ақ қолданылатын медициналық мақсаттағы құралдар мен бұйымдарды таңдау мүмкіндігі туралы хабарлайды. Науқастарды тексереді. Науқастың жағдайына байланысты емдеу жоспарына өзгерістер енгізеді және қосымша тексеру әдістерінің қажеттілігін анықтайды. Диагностикалық және емдеу процедураларының, құрал-саймандардың, аппаратуралардың дұрыс жүргізілуін бақылайды. Өз жұмысын жоспарлайды және өз қызметінің көрсеткіштерін талдайды. Ауруларды емдеу мен алдын алудың заманауи әдістерін тәжірибеге енгізеді. Өзіне бағынышты орта және кіші медициналық персоналдың жұмысын ұйымдастырады және бақылайды. Есептік-есептік медициналық құжаттаманы жүргізеді. Медициналық этиканы, ішкі еңбек тәртібінің, өртке қарсы қауіпсіздіктің, еңбек қауіпсіздігі және еңбекті қорғау жөніндегі ережелерді, санитариялық-эпидемиологиялық режимді сақтайды. Халыққа санитарлық білім беруді ұйымдастырады және өткізеді, салауатты өмір салтын насихаттайды.
Білуі керек:
1995 жылғы 30 тамыздағы Қазақстан Республикасының Конституциясы, “халық денсаулығы және денсаулық сақтау жүйесі туралы” 2020 жылғы 7 шілдедегі Қазақстан Республикасының Кодексі, “Сыбайлас жемқорлыққа қарсы іс-қимыл туралы” 2015 жылғы 18 қарашадағы Қазақстан Республикасының Заңы, “Қазақстан Республикасындағы тілдер туралы”1997 жылғы 11 шілдедегі Қазақстан Республикасының Заңы; медициналық ұйымның жоспарлы жұмысын ұйымдастыру; клиникалық, аспаптық және зертханалық диагностиканың жалпы принциптері мен негізгі әдістері; халықты емдік-профилактикалық, жедел медициналық көмекті, дәрі-дәрмекпен қамтамасыз етуді ұйымдастыру негіздері; еңбек қауіпсіздігі және еңбекті қорғау, өндірістік санитария және өртке қарсы қауіпсіздік жөніндегі қағидалар мен нормалар; халықтың денсаулық жағдайын сипаттайтын статистикалық критерийлер мен көрсеткіштер; санитарлық ағартуды, халықты гигиеналық тәрбиелеуді және салауатты өмір салтын насихаттауды ұйымдастыру, ауруларды халықаралық және отандық жіктеу негіздері; еңбекке уақытша жарамсыздықты сараптау негіздері
Біліктілікке қойылатын талаптар:
“Денсаулық сақтау” даярлау бағыты бойынша жоғары білім және (немесе) тиісті мамандық бойынша жоғары оқу орнынан кейінгі білім, тиісті мамандық бойынша денсаулық сақтау саласындағы маман сертификаты. * Ескерту: Эпидемиологиялық жағдайды және инфекцияның репродуктивтілік көрсеткішін (оқшауланғанға дейін бір науқас жұқтырған адамдардың саны) ескере отырып – 1,0, сондай – ақ стационарлардың төсек қорының жұмыспен қамтылу пайызы-50% және одан да көп, карантиндік объектілерде (инфекциялық, провизорлық, карантиндік стационарлар) медициналық көмек көрсетуге олардың келісімімен резидент дәрігерлер, сондай-ақ медициналық осы бұйрықтың 1-қосымшасында көрсетілген өзге мамандық бойынша қолданыстағы маман сертификаты болған кезде қызметкерлер. Ескерту. 26-тармаққа өзгеріс енгізілді – ҚР Денсаулық сақтау министрінің 2021.03.16 № ҚР ДСМ-23 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен